દેશમાં એક જ દિવસમાં આવ્યા 2000 ભૂકંપ : બે ભાગમાં વહેંચાઈ રહ્યો છે મહાસાગર
માર્ચ 2024માં સમુદ્રની નીચે એક મોટી હિલચાલથી વૈજ્ઞાનિકો ચિંતિત છે. મહિનાની શરૂઆતમાં, કેનેડાના દરિયાકાંઠે એક જ દિવસમાં 2000 ભૂકંપ આવ્યા. વૈજ્ઞાનિકોનું કહેવું છે કે આ એ વાતનો સંકેત છે કે ઊંડા સમુદ્રમાં મેગ્મા ફાટવાને કારણે મહાસાગર બે ભાગમાં વિભાજીત થઈ શકે છે અને નવા સમુદ્રી પોપડા બનવાની સંભાવના છે.
વૈજ્ઞાનિકો માટે ધરતીકંપ ખૂબ જ રસપ્રદ છે. આનો અભ્યાસ કરીને, વૈજ્ઞાનિકોનેએ જાણવાની તક મળશે કે સમુદ્રનું માળખું કેવી રીતે બદલાય છે. ભૂકંપનું કેન્દ્ર વેનકુવર ટાપુના દરિયાકિનારે 240 કિલોમીટર દૂર એન્ડેવર સાઇટ નામના સ્થળે હતું. જુઆન ડી ફુકા રિજ પરના આ સ્થાન પર, સમુદ્રનું તળ દૂર-દૂર સુધી ફેલાયેલું છે અને ત્યાં ઘણા હાઇડ્રોથર્મલ વેન્ટ્સ છે જ્યાંથી ગરમ પાણીની ધારાઓ બહાર આવતી રહે છે.
વૈજ્ઞાનિકોના મતે ભૂકંપથી લોકો માટે કોઈ ખતરો નથી, કારણ કે તે ખૂબ જ નાના છે. ઉપરાંત, આ વિસ્તાર સબડક્શન ઝોનથી અલગ છે જે વિનાશક ધરતીકંપનું કારણ બને છે. સબડક્શન ઝોન એ એવો વિસ્તાર છે જ્યાં એક ટેક્ટોનિક પ્લેટ બીજી પ્લેટની નીચે દબાતી રહે છે. લાઈવ સાયન્સે વોશિંગ્ટન યુનિવર્સિટીના રિસર્ચ સ્ટુડન્ટ જો ક્રોસને ટાંકીને જણાવ્યું હતું કે સમુદ્રની મધ્યમાં સ્થિત તેના શિખરો 5 થી વધુ તીવ્રતાના ધરતીકંપો પેદા કરવામાં સક્ષમ નથી.
પેસિફિક પ્લેટ અને જુઆન ડી ફુકા પ્લેટ એન્ડેવર સાઇટ પર સમુદ્રની નીચે અલગ થઈ રહ્યા છે. અહીં, સમુદ્રની અંદરની હિલચાલને કારણે, પોપડો પાતળો બને છે જેના કારણે મેગ્મા ઉપર વધે છે. જ્યારે મેગ્મા અંદરથી સપાટી પર પહોંચે છે, ત્યારે તે પાણીના સંપર્કમાં ઠંડુ થાય છે અને આ રીતે નવા સમુદ્રી પોપડાની રચના થાય છે.
ક્રોસ અનુસાર, 2018 થી આ ક્ષેત્ર ભૂકંપના સંદર્ભમાં વધુ સક્રિય બન્યો છે. જો કે, 6 માર્ચે તે અચાનક ખૂબ જ મજબૂત બની ગયું હતું અને દર કલાકે ઓછામાં ઓછા 200 નાના ભૂકંપથી સમુદ્ર હચમચી ગયો હતો. સંશોધકોએ એક દિવસમાં લગભગ 1850 ભૂકંપ શોધી કાઢ્યા.
.jpg)
