મેષ રાશિના જાતકોને નવા સપ્તાહની શરૂઆતમાં ચોથા સ્થાનનો સ્વામી ચંદ્ર પોતાની રાશિમાં સ્વગૃહી બળવાન બનીને પસાર થઇ રહ્યો છે. અહીં ચંદ્ર ભ્રમણની અસર સ્થાવર મિલ્કતોથી લાભ અપાવી શકે તેમ છે. આ સપ્તાહ દરમિયાન પાંચમા સ્થાનનો સ્વામી સૂર્ય તારીખ 14 મે થી રાશિ પરિવર્તન પામીને બીજા સ્થાનમાં પ્રવેશે છે.આર્થિક રોકાણો વળતરની દ્રષ્ટિએ ફળદાયી નિવડી શકે.વિદ્યાર્થી વર્ગને મૂંઝવણમાંથી બહાર આવવા યોગ્ય માર્ગદર્શન મળી રહે. વર્તન તેમજ વાણીમાં આત્મવિશ્વાસ વધતો જણાય. સપ્તાહના મધ્યભાગમાં ચંદ્રનું પરિભ્રમણ પાંચમા સ્થાન પરથી થશે. પ્રિયપાત્રની સમસ્યાનું નિરાકરણ પ્રાપ્ત થતાં મનનો ભાર હળવો બને. સંતાનો સાથે આનંદદાયક સમય વિતાવી શકાય. સપ્તાહના અંત ભાગમાં ચંદ્રનું પરિભ્રમણ છઠ્ઠા સ્થાન પરથી થશે. અહીં હરિફાઈ કે કોમ્પિટિશનમાંબુદ્ધિગમ્ય નિર્ણયો દ્વારા આગળ રહી શકો. કર્મક્ષેત્રે પ્રગતિ પામવા માટે નક્કર મહેનત તથા સચોટ આયોજન આવશ્યક બનશે.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy