હારની સાથે જ દિનેશ કાર્તિકનીં IPL માં કારકિર્દી પૂર્ણ, ટીમે આપ્યું ગાર્ડ ઓફ ઓનર

38 વર્ષીય વિકેટ કીપરે સત્તાવાર રીતે નિવૃતિની જાહેરાત નથી કરી, પરંતુ અમદાવાદમાં મેચ બાદ કાર્તિક સાથે ભાવનાત્મક દ્રશ્યો સર્જાયા : કાર્તિકે પણ ફેન્સનો આભાર માન્યો

અમદાવાદ : ફરી એકવાર રોયલ ચેલેન્જર્સ બેંગ્લોર IPL જીતવામાં નિષ્ફળ રહી. સતત 6 જીત સાથે પ્લેઓફમાં પહોંચેલું બેંગલુરુ એલિમિનેટર મેચમાં રાજસ્થાન રોયલ્સ દ્વારા બહાર થઈ ગયું હતું અને ટુર્નામેન્ટમાંથી બહાર થઈ ગયું હતું.

આ સાથે જ બેંગલુરુની યાત્રા પણ પૂરી થઈ ગઈ. આ હાર બેંગલુરુના ચાહકો માટે બેવડો ફટકો હતો કારણ કે ટીમની સાથે તેના એક દિગ્ગજ ખેલાડીની કારકિર્દી પણ અહીં સમાપ્ત થઈ ગઈ હતી. અનુભવી વિકેટકીપર-બેટ્સમેન દિનેશ કાર્તિકે પહેલેથી જ IPL 2024ને તેની છેલ્લી સિઝન તરીકે જાહેર કરી દીધી હતી અને આ મેચ તેની IPL કારકિર્દીની છેલ્લી સાબિત થઈ.

અમદાવાદમાં રાજસ્થાન રોયલ્સના રોવમેન પોવેલે 19મી ઓવરના છેલ્લા બોલે ચોગ્ગો મોકલતા જ બધાની નજર કાર્તિક પર હતી. કાર્તિકની આઈપીએલ કારકિર્દીનો આ છેલ્લો બોલ હતો. બધા ખેલાડીઓ હાથ મિલાવીને એકબીજાને ગળે મળવા લાગ્યા અને પછી જ્યારે આ ઔપચારિકતાઓ પૂરી થઈ ત્યારે વિરાટ કોહલી સહિત આરસીબીના ખેલાડીઓએ કાર્તિકને ખાસ રીતે વિદાય આપી.

ડ્રેસિંગ રૂમમાં પાછા ફરતા, આરસીબીના તમામ ખેલાડીઓ પાછળ હટી ગયા ગાર્ડ ઓફ ઓનર આપતા કાર્તિકને આગળ જવાની મંજૂરી આપવામાં આવી. સ્ટેન્ડમાં હાજર પ્રશંસકો ઉભા થયા અને તાળીઓ પાડતા રહ્યા અને ’DK-DK’ ના નારા લગાવતા રહ્યા, જ્યારે કાર્તિક તેમની તરફ હાથ હલાવીને આભાર કહેતો રહ્યો.

RCB ના તમામ ખેલાડીઓ પણ આ IPL લેજેન્ડ માટે તાળીઓ પાડતા રહ્યા અને તેની શાનદાર કારકિર્દી માટે કાર્તિક એવા કેટલાક ખેલાડીઓમાંથી એક છે જેમણે IPL ની પ્રથમ સિઝનથી 17મી સિઝન સુધી દર વર્ષે ટૂર્નામેન્ટમાં ભાગ લીધો હતો. દિનેશ કાર્તિક અત્યારસુધીમાં, RCB સિવાય કોલકાતા નાઈટ રાઈડર્સ, મુંબઈ ઈન્ડિયન્સ, પંજાબ કિંગ્સ, ગુજરાત લાયન્સ અને દિલ્હી ડેરડેવિલ્સ જેવી ટીમોનો પણ ભાગ હતો.

તેની છેલ્લી મેચમાં દિનેશ કાર્તિક બેટથી કંઈ ખાસ કરી શક્યો ન હતો અને 13 બોલમાં માત્ર 11 રન બનાવીને આઉટ થયો હતો. આ સિવાય તેણે એક સ્ટમ્પિંગ કર્યું અને 2 કેચ પણ લીધા. આમ હોવા છતાં તેની છેલ્લી સિઝનમાં, કાર્તિકે ચાહકોને કાયમ માટે ઘણી યાદો આપી હતી, જેમાં સનરાઇઝર્સ હૈદરાબાદ સામે 35 બોલમાં 83 રનની તેની આશ્ચર્યજનક ઇનિંગ ભાગ્યે જ કોઈ ભૂલી શકે છે.

કાર્તિકે 17 સિઝનમાં 257 મેચ રમી અને 4842 રન બનાવ્યા, જેમાં 22 અડધી સદી સામેલ છે. આ સિવાય તેણે 145 કેચ અને 37 સ્ટમ્પિંગ પણ કર્યા હતા. આ સમયગાળા દરમિયાન તેણે મુંબઈ ઈન્ડિયન્સ સાથે આઈપીએલનો ખિતાબ પણ જીત્યો હતો.