જામખંભાળિયા,તા.29
ખંભાળિયા - દ્વારકા ધોરીમાર્ગ પર કલ્યાણપુરથી આશરે 30 કિલોમીટર દૂર જુવાનપુર ગામ નજીકથી જી.જે. 03 ડી.જી. 0944 નંબરની હ્યુન્ડાઈ એસેન્ટ મોટરકાર લઈને બોરસદથી દ્વારકા તથા હર્ષદ માતાજીના દર્શન કરવા નીકળેલા બોરસદ ગામના રહીશ એવા ઉત્તમસિંહ રણછોડભાઈ રાઠોડ નામના 35 વર્ષના રાજપૂત યુવાનની મોટરકાર સાથે પૂરઝડપે અને ગફલતભરી રીતે આવી રહેલા જી.જે. 37 ડી. 9656 નંબરની એક અલ્ટો મોટરકારના ચાલકે ધડાકાભેર અકસ્માત સર્જતાં આ અકસ્માતમાં કારના ચાલક ઉત્તમસિંહ રાઠોડ સાથે જયાબેન, સોનલબેન તથા મનહરબાળા ઉર્ફે ડિમ્પલબેનને શરીરના જુદા જુદા ભાગોમાં ગંભીર ઈજાઓ થતા હોસ્પિટલમાં સારવાર અર્થે દાખલ કરવામાં આવ્યા હતા.
આ બનાવ અંગે કલ્યાણપુર પોલીસે ઉત્તમસિંહ રણછોડભાઈ રાઠોડની ફરિયાદ પરથી અલ્ટો કારના ચાલક સામે જુદી જુદી કલમ હેઠળ ગુનો નોંધી, આગળની કાર્યવાહી હાથ ધરી છે.
ઓખામાં બે વરલી ભક્ત ઝડપાયા
ઓખામાં રેલવે ફાટક સામેથી અયુબ અબ્દુલ સંઘાર (ઉ.વ. 40) તેમજ એસ.ટી. રોડ પરથી શ્યામભા બાલુભા સુમણીયા (ઉ.વ. 23) ને પોલીસે જાહેરમાં વરલી મટકાના આંકડાનો જુગાર રમતા મુદ્દામાલ સાથે ઝડપી લઇ, ગુનો નોંધ્યો હતો.
Rajkot - Head Office,
Sanj Samachar Corporate House,
2nd Floor, Kasturba Road,
Near Sharda Baug
Rajkot-360001
0281-2473911-12-13
Privacy-policy