ભાવનગરમાં નવા ૧૦ કોરોના પોઝિટિવ કેસ, ૪ દર્દીઓ ડિસ્ચાર્જ

06 March 2021 09:10 PM
Bhavnagar Saurashtra
  • ભાવનગરમાં નવા ૧૦ કોરોના પોઝિટિવ કેસ, ૪ દર્દીઓ ડિસ્ચાર્જ

જિલ્લામાં નોંધાયેલા કુલ ૬,૨૨૪ કેસો પૈકી ૩૭ દર્દીઓ હાલ સારવાર હેઠળ

ભાવનગર, તા.૬
ભાવનગરમાં આજરોજ ૧૦ નવા કોરોના પોઝિટિવ કેસ નોંધાતા જિલ્લામાં કોરોના પોઝિટિવ કેસોની સંખ્યા ૬,૨૨૪ થઈ છે. જેમાં ભાવનગર શહેરી વિસ્તારમાં ૮ પુરૂષ મળી કુલ ૮ લોકોના રીપોર્ટ પોઝિટિવ નોંધાયા છે. જ્યારે તાલુકાઓમાં ભાવનગર તાલુકાના વરતેજ ગામ ખાતે ૧ તથા તળાજા તાલુકાનાં રાજપરા નં.૨ ગામ ખાતે ૧ કેસ મળી કુલ ૨ લોકોના રીપોર્ટ પોઝિટિવ નોંધાતા સારવાર અર્થે હોસ્પિટલમાં દાખલ કર્યા છે.

જ્યારે ભાવનગર મહાનગરપાલિકા વિસ્તારમાં ૪ કેસ મળી કુલ ૪ કોરોના પોઝિટિવ દર્દી કોરોનામુક્ત થતા તેને હોસ્પિટલમાંથી રજા અપાઈ છે. આ દર્દીઓએ હોસ્પિટલામાંથી ડિસ્ચાર્જ થયા બાદ ૭ દિવસ સુધી ફરજીયાત હોમ આઈસોલેશનમાં રહેવાનું રહેશે. આમ, જિલ્લામાં નોંધાયેલા ૬,૨૨૪ કેસ પૈકી હાલ ૩૭ દર્દીઓ સારવાર હેઠળ છે. અત્યાર સુધીમાં ૬૯ દર્દીઓના મોત થઈ ચૂક્યા છે.


Related News

Loading...
Advertisement