હરિયાણા: સ્કૂલના છાત્રાલયમાં કોરોનાનો કહેર, 54 વિદ્યાર્થીઓનો રિપોર્ટ પોઝિટિવ

02 March 2021 09:35 PM
India
  • હરિયાણા: સ્કૂલના છાત્રાલયમાં કોરોનાનો કહેર, 54 વિદ્યાર્થીઓનો રિપોર્ટ પોઝિટિવ

આરોગ્ય ટીમ સ્થળ પર પહોંચી, છાત્રાલય કન્ટેનમેન્ટ ઝોન જાહેર

કરનાલ/હરિયાણા:
હરિયાણાના કરનાલ જિલ્લામાં એક સ્કૂલના છાત્રાલયમાં કોરોના કહેર વરસી પડ્યો છે. છાત્રાલયના 54 વિદ્યાર્થીઓનો કોરોના રિપોર્ટ પોઝિટિવ આવતા ફફડાટ ફેલાયો છે. આરોગ્ય વિભાગની ટીમ છાત્રાલય પહોંચી ગઈ છે અને છાત્રાલયને કન્ટેનમેન્ટ ઝોન તરીકે જાહેર કરવામાં આવ્યું છે. આ માહિતી કરનાલના સિવિલ સર્જન યોગેશ કુમાર શર્માએ આપી છે.

સોમવારે હરિયાણામાં કોરોનાથી બે દર્દીઓનું મોત નીપજ્યું હતું. તેમાંથી એક હિસારનો દર્દી હતો અને બીજો ફરીદાબાદનો. ત્યાં સંક્રમણના 166 નવા કેસો હતા, જ્યારે 151 દર્દીઓની રિકવરી થતાં તેમને રજા આપવામાં આવી હતી. નવા કેસોમાં ગુરુગ્રામમાં સૌથી વધુ 36, કુરુક્ષેત્રમાં 32, કરનાલમાં 21, પાણીપતમાં 19 અને અંબાલામાં 14 કેસ નોંધાયા છે. રેવારી, સિરસા, મહેન્દ્રગગઢ, ભિવાની, પલવલ અને ઝજ્જરમાં એક પણ કેસ નોંધાયો નથી. બાકીના જિલ્લાઓમાં 14થી ઓછા કેસ મળી આવ્યા છે.


Related News

Loading...
Advertisement