ભાવનગરમાં કોરોનાના આજે ૧૩ કેસ અને ૯ દર્દી ડિસ્ચાર્જ

26 February 2021 08:41 PM
Bhavnagar Saurashtra
  • ભાવનગરમાં કોરોનાના આજે ૧૩ કેસ અને ૯ દર્દી ડિસ્ચાર્જ

જિલ્લામાં નોંધાયેલા કુલ ૬,૧૫૮ કેસો પૈકી માત્ર ૨૫ દર્દીઓ હાલ સારવાર હેઠળ

(વિપુલ હિરાણી)
ભાવનગર તાઃ ૨૬
ભાવનગરમાં આજરોજ ૧૩ નવા કોરોના પોઝિટિવ કેસ નોંધાતા જિલ્લમાં કુલ કેસોની સંખ્યા ૬,૧૫૮ થઈ છે. જેમા ભાવનગર શહેરી વિસ્તારમાં ૯ પુરૂષ અને ૩ સ્ત્રી મળી કુલ ૧૨ લોકોના રીપોર્ટ પોઝિટિવ નોંધાયા છે. જ્યારે તાલુકાઓમાં સિહોર ખાતે ૧ કેસ મળી કુલ ૧ લોકોના રીપોર્ટ પોઝિટિવ નોંધાતા સારવાર અર્થે હોસ્પિટલમાં દાખલ કરાયા છે.

ભાવનગર મહાનગરપાલિકા વિસ્તારમાં ૯ દર્દી કોરોનામુક્ત થતા તેને હોસ્પિટલમાંથી રજા અપાઈ છે. આ દર્દીઓએ હોસ્પિટલામાંથી ડિસ્ચાર્જ થયા બાદ ૭ દિવસ સુધી ફરજીયાત હોમ આઈસોલેશનમાં રહેવાનું રહેશે. આમ, જિલ્લાના નોંધાયેલા ૬,૧૫૮ કેસ પૈકી હાલ ૨૫ દર્દીઓ સારવાર હેઠળ છે. કુલ ૬૯ દર્દીઓના મોત થઈ ચૂક્યા છે.


Related News

Loading...
Advertisement