G.T.U. દ્વારા તા. 12 થી લેવાશે ડીગ્રી-ડીપ્લોમાની સેમ-1ની પરીક્ષા : 55 હજાર વિદ્યાર્થીઓ બેસશે

26 February 2021 05:13 PM
Rajkot Gujarat
  • G.T.U.  દ્વારા તા. 12 થી લેવાશે ડીગ્રી-ડીપ્લોમાની સેમ-1ની પરીક્ષા : 55 હજાર વિદ્યાર્થીઓ બેસશે

કોવીડ-19ની ગાઇડલાઇનનું ચુસ્ત પાલન કરવા કેન્દ્ર સંચાલકોને તાકીદ

રાજકોટ તા. 26 : ગુજરાત ટેકનોલોજીકલ યુનિ. (જીટીયુ) દ્વારા આગામી તા. 1ર માર્ચથી ડીગ્રી-ડીપ્લોમાની સેમ-1ની પરીક્ષાનો પ્રારંભ થનાર છે. કોવીડ-19ની ગાઇડલાઇન મુજબ આ પરીક્ષા શાંતીપુર્ણ વાતાવરણમાં લેવાય તે માટેની તૈયારીઓને યુનિ.ના પરીક્ષા વિભાગ દ્વારા આખરી ઓપ આપી દેવામાં આવેલ છે. આ પરીક્ષામાં સેમ-1ના ડીપ્લોમાંના 3પ હજાર, ડીગ્રીના 1પ હજાર તેમજ ફાર્મસીના મળી અંદાજે પપ હજાર વિધાર્થીઓ આ પરીક્ષામાં બેસનાર છે.

વિધાર્થીઓ પોતપોતાની કોલેજમાં જ આ પરીક્ષા આપી શકશે. આ પરીક્ષા કોવીડ-19ની ગાઇડ લાઇનનું પાલન કરવા માટે ગુજરાત ટેકનોલોજીકલ યુનિ. દ્વારા તમામ કેન્દ્રોના સંચાલકોને તાકીદ કરી દેવામાં આવી છે. પરીક્ષા કેન્દ્રોમાં વિધાર્થીઓને સેનેટાઇઝરથી હાથની સફાઇ અને થર્મલ ગનથી ટેમ્પરેચર માપી પ્રવેશ અપાશે. વિધાર્થીઓ માટે માસ્ક ફરજીયાત છે. અહીં એ ઉલ્લેખનીય છે કે અગાઉ વિધાર્થીઓને પોતાના રહેઠાણની નજીકના સેન્ટર પર પરીક્ષા આપી શકે તેવી વ્યવસ્થા ગોઠવવામાં આવી હતી. પરંતુ હવે કોલેજોમાં પ્રત્યક્ષ શિક્ષણ શરુ થયેલ હોય આ પરીક્ષા વિધાર્થીઓ પોતપોતાની કોલેજમાં જ આપી શકે તેવી વ્યવસ્થા ગોઠવવામાં આવી રહી છે.


Related News

Loading...
Advertisement