મુંબઈ : મુકેશ અંબાણીના ઘરની બહારથી શંકાસ્પદ કાર મળતા પોલીસ દોડી ગઈ, જિલેટીન વિસ્ફોટક મળ્યું

25 February 2021 08:39 PM
India
  • મુંબઈ : મુકેશ અંબાણીના ઘરની બહારથી શંકાસ્પદ કાર મળતા પોલીસ દોડી ગઈ, જિલેટીન વિસ્ફોટક મળ્યું

મુકેશ અંબાણીના ઘરની બહાર કમાન્ડો તૈનાત કરાયા : બોમ્બ સ્ક્વોડની ટીમ પણ પહોંચી, ક્રાઈમ બ્રાન્ચે વધુ તપાસ હાથ ધરી

મુંબઈ:
મુંબઈમાં ઉદ્યોગપતિ મુકેશ અંબાણીના એન્ટેલિયા બંગલા નજીકથી શંકાસ્પદ કાર મળી આવતા હડકંપ મચી ગયો છે. કારમાંથી જિલેટીનની વિસ્ફોટક મળ્યાનું જાણવા મળે છે. મુંબઈ પોલીસ અને એટીએસની ટીમ સ્થળ પર પહોંચી છે અને તપાસ કરી રહી છે. બોમ્બ સ્ક્વોડની ટીમો પણ પહોંચી ગઈ છે. કમાન્ડો મુકેશ અંબાણીના ઘરની બહાર તૈનાત કરાયા છે.

મહારાષ્ટ્રના ગૃહ પ્રધાન અનિલ દેશમુખે જણાવ્યું હતું કે, મુંબઈમાં મુકેશ અંબાણીના ઘરથી થોડે દૂર સ્કોર્પિયો કાર મળી આવી હતી. તેમાં જિલેટીન વિસ્ફોટક મળી આવ્યું છે. મુંબઈ ક્રાઈમ બ્રાંચ આ અંગે તપાસ કરી રહી છે. જે વાસ્તવિકતા છે તે વહેલી તકે જાહેર કરવામાં આવશે.

● મુંબઈ પોલીસ કમિશનર વિશ્વાસ નાંગ્રે પાટીલ પણ સ્થળ પર હાજર

નોંધનીય છે કે મુંબઈ પોલીસ કમિશનર વિશ્વાસ નાંગ્રે પાટીલ પણ ઘટના સ્થળે પહોંચ્યા હતા. મુંબઈ પોલીસની ફોરેન્સિક ટીમ ઘટના સ્થળે પહોંચી ગઈ છે. આ નરીમન પોઇન્ટની વચ્ચેનો રસ્તો છે. તે વીઆઈપી રોડ તરીકે ઓળખાય છે. તે રસ્તા પર હંમેશા પોલીસની મોટી હાજરી હોય છે. શંકાસ્પદ કાર તે વિસ્તારમાં મળી આવી છે, એમ પોલીસે જણાવ્યું હતું. આ કેસની તપાસ સ્થાનિક ક્રાઇમ બ્રાંચ દ્વારા કરવામાં આવી રહી છે.


Related News

Loading...
Advertisement