આવતીકાલે નેતાજી સુભાષચંદ્ર બોઝની 124મી જન્મજયંતી

22 January 2021 04:05 PM
Rajkot
  • આવતીકાલે નેતાજી સુભાષચંદ્ર બોઝની 124મી જન્મજયંતી

રાજકોટ તા. 22 : નેતાજી સુભાષચંદ્ર બોઝનો જન્મ ર3મી જાન્યુઆરી 1897 માં ઓરિસ્સાના કટક શહેરમાં થયો હતો. બાળપણમાં જ અંગ્રેજ અફસરોના ભારતવાસીઓ પ્રત્યેના તિરસ્કારયુકત વર્તનના કારણે બાળ સુભાષચંદ્રને અંગ્રેજો પ્રત્યે નફરત હતી જ. તેઓ સ્વામિ વિવેકાનંદના વિચારોથી પ્રભાવિત થઇ તેમના શિષ્ય બન્યા હતા.દેશમાં ગ્રેજયુએશન સુધીનું શિક્ષણ પુર્ણ કરી વિદેશમાં ભણીને આઇસીએસ (ઇન્ડીયન સીવીલ સર્વીસ) ની પરીક્ષામાં ચોથા ક્રમે ઉતિર્ણ થયા. પરંતુ અંગ્રેજ શાસનમાં ભારતની ગુલામીની દશા જોઇ તેમનું લોહી ઉકળી ઉઠયું અને સરકારી નોકરીને ઠોકર મારી દેશની આઝાદીની લડાઇને વધુ મહત્વપુર્ણ માની સ્વાતંત્ર સેનાનીઓના રસ્તે ચાલી નીકળ્યા.


ગાંધીજીના સંપર્કમાં આવ્યા પછી અંગ્રેજો સામેના અસહયોગ આંદોલનમાં જોડાયા. 1938 અને 1939 માં બે વખત રાષ્ટ્રીય કોંગ્રેસના અધ્યક્ષ બન્યા. તેઓને લાગ્યુ કે માત્ર અહિંસક લડતથી આઝાદી મળશે નહી. અંગ્રેજોને હાંકી કાઢવા, સશસ્ત્ર, રાજનીતિ તથા કુટનીતિ પણ લડાઇ લડવી પડશે. તેથી તેઓએ ક્રાંતિકારીઓનો રસ્તો પસંદ કર્યો. આ દરમિયાન વિશ્વમાં બીજુ વિશ્વયુધ્ધ ફાટી નિકળ્યું. તેઓએ લાગ જોઇને અંગ્રેજોના દુશ્મન દેશોનો સાથ લેવાનું નકકી કર્યુ. આ સમયે કલકતા ખાતે અંગ્રેજોએ તેઓને નજર કેદ રાખેલ હતા. ત્યાંથી અંગ્રેજ સીપાઇઓના સખત પહેરા હેઠળથી પણ તેઓ વેશપલ્ટો કરીને છટકી ગયા. જર્મન રેડીયો ઉપરથી જયારે તેઓએ દેશને સંબોધન કર્યુ

ત્યારે બધાને ખબર પડી કે નેતાજી તો જર્મની પહોંચી ગયા છે અને અંગ્રેજ શાસકોને આશ્ર્ચર્ય સાજે આંચકો લાગ્યો. જર્મનીથી તેઓ જાપાન ગયા. જાપાની રેડીયો પરથી ભારત દેશવાસીઓને સંબોધનમાં તેઓએ પ્રથમ વખત ગાંધીજીને ‘રાષ્ટ્રપિતા’ તરીકે સંબોધ્યા.તેઓ જાપાનથી સીંગાપુર પહોંચ્યા જયાં તેઓએ કેપ્ટન મોહસિંહ દ્વારા સ્થાપવામાં આવેલ ‘આઝાદ હિન્દ ફોજ’માં ભારતીય સેનાના યુધ્ધકેદીઓનો સમાવેશ કરી પુનરચના કરી તેની કમાન પોતાના હાથમાં લીધી. મહિલાઓ માટે રાણીલક્ષ્મી રેજીમેન્ટની સ્થાપના કરી જેનું સુકાન સહગલને સોંપવામાં આવ્યુ. ‘આઝાદ હિન્દ ફોજ’ સાથે તેઓ બર્મા પહોંચ્યા. ત્યાં તેઓએ પોતાનો પ્રસિધ્ધ નારો ‘તુમ મુઝે ખુન દો, મૈ તુમ્હે આઝાદી દુંગા’ આપ્યો તથા ‘જયહિન્દ’નું રાષ્ટ્રીય સુત્રપણ આપ્યુ. ત્યાંથી તેઓએ ફોજના કેપ્ટન તરીકે ‘ચલો દિલ્હી’ની હાકલ કરી.
કમનસીબે બીજા વિશ્વયુધ્ધમાં જાપાન સહિતના સાથી દેશોની હાર થઇ એટલે નેતાજી ‘આઝાદ હિન્દ સરકાર’ દિલ્હીનું શાસન ન લઇ શકી પણ અંગ્રેજ સલ્તનતના પાયા જરુર હચમચી ગયા. ભલે પ્રત્યક્ષ રીતે ‘આઝાદ હિન્દ ફોજ’ ની હાર થઇ પણ પરોક્ષી રીતે આઝાદીની લડતમાં તેની ઘણી મોટી અસર થઇ અને એટલે જ 1946 માં નૌસેનાના વિદ્રોહથી અંગ્રેજ શાસકોને ઠુકરાઘાત લાગ્યો. એક બાજુ ગાંધીજીની આગેવાનીમાં સત્યાગ્રહીઓની અહિંસક લડત અને બીજી બાજુ સશત્ર લડતથી અંગ્રેજોને ભારત છોડવાની ફરજ પડી અને આપણો દેશ આઝાદ થયો.


Related News

Loading...
Advertisement