ખંભાળિયા: જિલ્લા મધ્યાન ભોજન યોજનાના હોદ્દેદારો વરાયા

22 January 2021 03:20 PM
Jamnagar
  • ખંભાળિયા: જિલ્લા મધ્યાન ભોજન યોજનાના હોદ્દેદારો વરાયા

દેવભૂમિ દ્વારકા જિલ્લાના મુખ્ય મથક ખંભાળિયા ખાતે મધ્યાન ભોજન યોજના કર્મચારી સંઘની એક બેઠક તાજેતરમાં રાજ્ય સંઘના પ્રમુખ રાજેન્દ્રસિંહ બી. ચુડાસમાના માર્ગદર્શન મુજબ યોજવામાં આવી હતી. આ બેઠકમાં દેવભૂમિ દ્વારકા જિલ્લાના મધ્યાન ભોજન કર્મચારી સંઘમાં નવી નિમણુંક કરવામાં આવી હતી. જેમાં જિલ્લા પ્રમુખ તરીકે હરપાલસિંહ ચંદુભા જેઠવાની વરણી કરાઈ હતી. આ સાથે મહામંત્રી તરીકે ભરતભાઈ પરમાર અને ઉપપ્રમુખ તરીકે અનિલભાઈ મહેતાની પણ નિમણુંક કરવામાં આવી હતી. આ મહત્વની બેઠકમાં ખંભાળિયા તાલુકા પ્રમુખ સિધ્ધરાજસિંહ જાડેજા તથા અન્ય સભ્યો પણ ઊપસ્થિત રહ્યા હતા. નવા હોદ્દેદારોની આ વરણીને ઉપસ્થિત સૌ કોઈએ આવકારી અને શુભેચ્છાઓ પાઠવી હતી.


Loading...
Advertisement