દુનિયાના સૌથી પ્રદુષિત શહેર : લાહોર નં.1 અને દિલ્હી નં.ર

01 December 2020 11:27 AM
World
  • દુનિયાના સૌથી પ્રદુષિત શહેર : લાહોર નં.1 અને દિલ્હી નં.ર

કાઠમંડુ ત્રીજા સ્થાને : 10માંથી 9 લોકો દુષિત હવા લે છે...

ઇસ્લામાબાદ, તા. 1
દુનિયાના સૌથી પ્રદૂષિત શહેરોના લિસ્ટમાં પાકિસ્તાનના લાહોરને પ્રથમ અને નવી દિલ્હીને બીજા નંબર પર જગ્યા આપવામાં આવી છે. મોટી વાત છે કે નેપાળની રાજધાની કાઠમાંડૂને આ લિસ્ટમાં ત્રીજુ સ્થાન મળ્યું છે. આ સાથે જ દુનિયાના સૌથી વધારે પ્રદૂષિત શહેરોમાં ટોપ ત્રણ દક્ષિણ એશિયામાં સ્થિત છે. આ લિસ્ટને યુએસ એર ક્વોલિટી ઈન્ડેક્સના વાયુ પ્રદૂષણના આંકડાઓના આધારે જાહેર કરાયું છે.આ લિસ્ટ અનુસાર, વાયુ પ્રદૂષણ સૂચકાંક અનુસાર લાહોરમાં અતિસૂક્ષ્મ કણો (પીએમ)નું રેટિંગ 423 રહ્યું હતું. પાકિસ્તાનની આર્થિક રાજધાની કરાચી એકયુઆઇમાં સાતમા સ્થાને રહ્યું હતું. ભારતની રાજધાની નવી દિલ્હી 229 એકયુઆઇ સાથે બીજા સ્થાન પર રહ્યું હતું. નેપાળની રાજધાની કાઠમાંડૂ સૌથી વધુ પ્રદૂષિત શહેરોમાં ત્રીજા સ્થાન પર રહ્યું હતું. જ્યાં પીએમ 178 નોંધાયુ હતું.


અમેરિકાની પર્યાવરણ સંરક્ષણ એજન્સી 50ની અંદર એકયુઆઇને સંતોષજનક માને છે. લાહોરનો એકયુઆઇ 301 અને તેની ઉપરની શ્રેણીમાં રહ્યું જેને ખતરનાક માનવામાં આવે છે. ખાદ્ય અને કૃષિ સંગઠનની પૂર્વ રિપોર્ટ અને પર્યાવરણ એક્સપર્ટ અનુસાર પરાલી સળગાવવા, પરિવહન અને ઉદ્યોગોના કારણે વર્ષભર પ્રદૂષણ થતું રહ્યું. અનેક ઈંટ તેમજ ભઠ્ઠાનું પણ જૂની રીતે સંચાલન થઈ રહ્યું છે. ગત દિવસોમાં સરકારે આવા ઈંટ અને ભઠ્ઠાને બંધ કરવાનો આદેશ પણ આપ્યો છે.‘હુ’ અનુસાર, દુનિયાના દરેક 10માંથી 9 લોકો ખૂબ જ પ્રદૂષિત હવામાં શ્વાસ લે છે. જે અનુસાર, ’દર વર્ષે ઘરની બહાર અને વાયુ પ્રદૂષણના કારણે દુનિયાભરમાં 70 લાખ લોકોના મોત થયા છે. એકલા બહારના પ્રદૂષણથી 2016માં મરનાર લોકોની સંખ્યા 42 લાખ નજીક હતી. જ્યારે ઘરેલું વાયુ પ્રદૂષણથી થનાર મોતની સંખ્યા 38 લાખ હોય છે.’ વાયુ પ્રદૂષણના કારણે હૃદય સંબંધિત બીમારી, શ્વાસની બીમારી અને અન્ય બીમારીઓથી મોત થાય છે.


વાયુ પ્રદૂષણ માપવાના આઠ માપદંડ પ્રદૂષણ તત્વ પીએમ 2.5, પીએમ 10, કાર્બન મોનોક્સાઈડ, ઓઝોન, સલ્ફર ડાઈઓક્સાઈડ, એલ્યુમિનિયમ અને લેડ હોય છે. જેમાં સૌથી મહત્વપૂર્ણ પીએમ 2.5 અને પીએમ 10 જ હોય છે. જેનો આંકડો વધારે હોય છે. તો પીએમ 2.5 અને પીએમ 10ને માઈક્રોગ્રામ પ્રતિ ક્યૂબિક મીટરમાં માપવામાં આવે છે. કોઈપણ વસ્તુ સળગાવવાથી જે પ્રદૂષણ થાય છે. જેમાં પીએમ 2.5 અને ધૂળના કણોમાં પીએમ 10 હોય છે.


Related News

Loading...
Advertisement