રિટર્ન ફાઈલ ન કરનાર 5.43 લાખ ફર્મ્સના GST રજિસ્ટ્રેશન રદ્દ થઈ શકે : જાણો વધુ વિગત

29 November 2020 06:35 PM
Government India
  • રિટર્ન ફાઈલ ન કરનાર 5.43 લાખ ફર્મ્સના GST રજિસ્ટ્રેશન રદ્દ થઈ શકે : જાણો વધુ વિગત

નાણાં મંત્રાલયનો રેવન્યૂ ડિપાર્ટમેન્ટ કડક પગલાં લેવાના મૂડમાં

નવી દિલ્હી:
જીએસટી રિટર્ન ફાઈલ ન કરનાર 5.43 લાખ ફર્મ્સના જીએસટી રજિસ્ટ્રેશન રદ્દ થઈ શકે છે. આવા જીએસટીધારકો સામે નાણાં મંત્રાલયનો રેવન્યૂ ડિપાર્ટમેન્ટ કડક પગલાં લેવાના મૂડમાં છે.

એક રિપોર્ટ મુજબ, જીએસટી રિટર્ન ફાઈલ ન કરનાર ડિફોલ્ટર્સને મેસેજ અને ઈ-મેઈલ્સ મોકલવામાં આવશે. રેવન્યુ ડિપાર્ટમેન્ટને GSTNથી પ્રતિ દિન 1 લાખ ટેક્સ મેસેજ અને ઈ-મેઈલ્સ મોકલવા માટે કહેવામાં આવ્યું છે. ઉપરાંત
મૉનિટર કરવા પણ જણાવાયું છે. 5,43,000 જેટલી ફર્મ્સ દ્વારા છેલ્લા 6 મહિના કે તેથી વધુ સમયથી GST રિટર્ન ફાઈલ કરવામાં આવ્યું નથી. ટેક્સ રિટર્ન ફાઈલ ન કરવા પાછળના કારણો જાણવા માટે 25000 જેટલા ટેક્સ પેયર્સ પર સરકારની નજર રાખી રહી છે.

ઓક્ટોબરમાં લેવડ-દેવડ પર રિટર્ન ફાઈલ કરવા માટે 5 દિવસનો સમય આપવામાં આવ્યો હતો. 20 નવેમ્બરે શરૂ થયેલી આ ડેડલાઈન હવે પૂર્ણ થઈ ગઈ છે. છેલ્લા માસના રિટર્ન આંકડાઓના આધારે જ નવેમ્બર મહિના માટે આવા ડિફોલ્ટર્સને નક્કી કરવામાં આવ્યાં છે. રેવન્યુ ડિપાર્ટમેન્ટના અધિકારીઓએ હાઈ લેવલની સમીક્ષા બેઠક કરી હતી. બાદમાં નક્કી કર્યું કે, 20 નવેમ્બર 2020 સુધી GSTR-3B રિટર્ન દાખલ ન કર્યું હોય તેવા ટેક્સ પેયર્સ સાથે GST નેટવર્ક, ટેક્સ અધિકારીઓ સંપર્ક કરશે. આવા ટેક્સ પેયર્સને 30 નવેમ્બર સુધી GST રિટર્ન દાખલ કરવા માટે પ્રેરિત કરવા અધિકારીઓને જણાવાયું છે.


Related News

Loading...
Advertisement