વડોદરા નજીક ગોઝારા અકસ્માતમાં 4 કલાક સુધી ઇજાગ્રસ્તો વગર સારવારે તરફડતા રહ્યા : પરિજનોનો આક્ષેપ

18 November 2020 12:59 PM
Vadodara Gujarat
  • વડોદરા નજીક ગોઝારા અકસ્માતમાં 4 કલાક સુધી ઇજાગ્રસ્તો વગર સારવારે તરફડતા રહ્યા : પરિજનોનો આક્ષેપ
  • વડોદરા નજીક ગોઝારા અકસ્માતમાં 4 કલાક સુધી ઇજાગ્રસ્તો વગર સારવારે તરફડતા રહ્યા : પરિજનોનો આક્ષેપ
  • વડોદરા નજીક ગોઝારા અકસ્માતમાં 4 કલાક સુધી ઇજાગ્રસ્તો વગર સારવારે તરફડતા રહ્યા : પરિજનોનો આક્ષેપ
  • વડોદરા નજીક ગોઝારા અકસ્માતમાં 4 કલાક સુધી ઇજાગ્રસ્તો વગર સારવારે તરફડતા રહ્યા : પરિજનોનો આક્ષેપ
  • વડોદરા નજીક ગોઝારા અકસ્માતમાં 4 કલાક સુધી ઇજાગ્રસ્તો વગર સારવારે તરફડતા રહ્યા : પરિજનોનો આક્ષેપ
  • વડોદરા નજીક ગોઝારા અકસ્માતમાં 4 કલાક સુધી ઇજાગ્રસ્તો વગર સારવારે તરફડતા રહ્યા : પરિજનોનો આક્ષેપ

● મોડી રાત્રે 3 વાગ્યે અકસ્માત થયો અને છેક 7 વાગ્યે ટ્રીટમેન્ટ શરૂ થઈ, 3 ઇજાગ્રસ્તને હોસ્પિટલે મૃત જાહેર કરી દીધા! ● અકસ્માતના પગલે રાષ્ટ્રપતિ, વડાપ્રધાન અને મુખ્યમંત્રી સહિતનાઓએ દુઃખ વ્યક્ત કર્યું

વડોદરા :
વડોદરા નજીક નેશનલ હાઇવે પર આઇસર ટેમ્પોમાં સૂરતથી પાવાગઢ જતા પરિવારોને મોડી રાત્રે અકસ્માત નડ્યો હતો. જેમાં 9 લોકોના ઘટનાસ્થળે જ્યારે 2 લોકોના હોસ્પિટલમાં મોત નિપજ્યા હતા. આ અકસ્માત બાદ પરિવારજનોએ આક્ષેપ કર્યો છે. કે, બનાવ રાત્રે 3 વાગ્યે બન્યો હતો જ્યારે છેક સવારે 7 વાગ્યે ટ્રીટમેન્ટ શરૂ કરવામાં આવી હતી. એટલે કે 4 કલાક બાદ ઈજાગ્રસ્ત લોકોને સારવાર મળી હતી. એવો પણ આરોપ લગાવવામાં આવ્યો છે કે, સયાજી હોસ્પિટલે 2થી 3 ઇજાગ્રસ્તોને મૃત જાહેર કરી દીધા હતા. અકસ્માતના પગલે વડોદરા જિલ્લા કલેક્ટર શાલિની અગ્રવાલ હોસ્પિટલ દોડી ગયા હતા અને ઈજાગ્રસ્ત લોકોના ખબર અંતર પૂછ્યા હતા.

◆ રાષ્ટ્રપતિ, વડાપ્રધાન અને મુખ્યમંત્રી સહિતના નેતાઓએ ટ્વીટ કરી દુઃખ વ્યક્ત કર્યું

અકસ્માતના પગલે રાજ્યના મુખ્યમંત્રી વિજય રૂપાણીએ ટ્વીટ કરીને જણાવ્યું છે કે, 'વડોદરા નજીક આહીર સમાજના લોકોના ગમખ્વાર અકસ્માતથી ખુબ જ દુઃખ થયું છે. મૃતકોના શોકાતુર પરિવાર સાથે ટેલિફોનિક વાત કરી સાંત્વના પાઠવી હતી. ઈજાગ્રસ્ત લોકોની ઝડપી સારવાર માટે તંત્રને તમામ સૂચનાઓ આપી. મૃતકોના આત્માને શાંતિ મળે અને ઈજાગ્રસ્ત લોકો ઝડપથી સ્વસ્થ થાય તે જ ઈશ્વરને પ્રાર્થના.'

દેશના વડાપ્રધાન નરેન્દ્ર મોદીએ અકસ્માત બાદ કરેલા ટ્વિટમાં જણાવ્યું કે, 'વડોદરામાં અકસ્માતમાં મૃતકોના પરિવારજનો પ્રત્યે મારી સંવેદના છે. ઈજાગ્રસ્તો જલ્દી સ્વસ્થ થાય તેવી પ્રાર્થના. વહીવટી તંત્ર શક્ય એટલી તમામ મદદ કરી રહ્યું છે.

દેશના રાષ્ટ્રપતિએ ટ્વીટ કરીને અકસ્માત અંગે દુ:ખની લાગણી પ્રકટ કરી છે. પ્રેસિડન્ટ ઓફ ઈન્ડિયાના સત્તાવાર ટ્વીટર એકાઉન્ટ પરથી ટ્વીટ કરીને જણાવ્યું કે, 'વડોદરામાં સર્જાયેલા ગમખ્વાર અકસ્માત અંગે જાણીને દુ:ખ થયું. હું ઈજાગ્રસ્તોના જલ્દી સ્વસ્થ થવાની પ્રાર્થના કરું છું.' આ સિવાય ભાજપના પ્રદેશ અધ્યક્ષ સીઆર પાટીલ, ગુજરાત કોંગ્રેસના પ્રદેશ અધ્યક્ષ અમિત ચાવડા તરફથી પણ દુ:ખ વ્યક્ત કરતું ટ્વીટ કરવામાં આવ્યું હતું.


Related News

Loading...
Advertisement