૧૬ અને ૧૭ ઓગષ્ટે સૌરાષ્ટ્ર-કચ્છ અને ઉત્તર ગુજરાતમાં અતિભારે વરસાદની આગાહી

12 August 2020 02:38 AM
Gujarat
  • ૧૬ અને ૧૭ ઓગષ્ટે સૌરાષ્ટ્ર-કચ્છ અને ઉત્તર ગુજરાતમાં અતિભારે વરસાદની આગાહી
  • ૧૬ અને ૧૭ ઓગષ્ટે સૌરાષ્ટ્ર-કચ્છ અને ઉત્તર ગુજરાતમાં અતિભારે વરસાદની આગાહી

વેધર વોચ ગ્રૃપની બેઠક યોજાઈ : આ સપ્તાહમાં શરૂ થતો વરસાદ અગામી સપ્તાહ સુધી લંબાઈ તેવી શક્યતા : NDRFની ટીમોને સ્ટેન્ડ બાય કરાઈ: માછીમારોને દરીયો ખેડવા પર પ્રતિબંધ : રાહત કમિશનર હર્ષદ પટેલે આપી માહિતી

રાજ્યમાં કુલ-૬૯ જળાશય હાઇ એલર્ટ, ૧૧ જળાશય એલર્ટ તથા ૮ જળાશય વોર્નિંગ ઉપર

રાજકોટઃ
આગામી તા. ૧૬ અને ૧૭ ઓગષ્ટે સૌરાષ્ટ્ર-કચ્છ અને ઉત્તર ગુજરાતમાં અતિભારે વરસાદની આગાહી હવામાન વિભાગ દ્વારા કરવામાં આવી છે. આ સપ્તાહમાં શરૂ થતો વરસાદ અગામી સપ્તાહ સુધી લંબાઈ તેવી શક્યતા છે. જેને પગલે NDRFની ટીમોને સ્ટેન્ડ બાય કરાઈ છે, તેમજ માછીમારોને દરીયો ખેડવા પર પ્રતિબંધ મુકાયો છે. સારા વરસાદને પગલે રાજ્યમાં કુલ-૬૯ જળાશય હાઇ એલર્ટ ૧૧ જળાશય એલર્ટ તથા ૮ જળાશય વોર્નિંગ ઉપર છે.

રાહત કમિશનર અને અધિક સચિવ હર્ષદ આર. પટેલના અધ્યક્ષ સ્થાને વેધર વોચ ગૃપનો વેબીનાર આજે ગાંધીનગર ખાતેથી યોજવામાં આવ્યો હતો. સ્ટેટ ઇમરજન્સી ઓપરેશન સેન્ટરના ડેપ્યુટી કલેકટર ટી.જે. વ્યાસ દ્વારા તમામ ઓનલાઈન અધિકારીઓને આવકારી વેધર વોચની મીટીંગની શરૂઆત કરવામાં આવી હતી. રાહત કમિશનર હર્ષદ પટેલે વર્ચ્યુઅલ મિટિંગમાં ઉપસ્થિત અધિકારીઓને જણાવ્યુ કે, આજે સવારે ૬.૦૦ થી બપોરના ૨.૦૦ સુઘી ૯૪ તાલુકાઓમાં ૧ મીમી થી લઇ ૮૯ મીમી સુધી વરસાદ નોંધાયો છે. કલ્યાણપુર તાલુકામાં સૌથી વધુ ૮૯ મીમી વરસાદ નોંધાયો છે. રાજયમાં અત્યાર સુધી તા.૧૧/૦૮/૨૦૨૦ અંતિત ૪૮૧.૩૯ મીમી વરસાદ પડ્યો છે. જે પાછલા ત્રીસ વર્ષની રાજયની એવરેજ ૮૩૧ મીમી ની સરખામણીએ ૫૭.૯૩% છે.
IMDના અધિકારી દ્વારા જણાવવામાં આવ્યું છે કે, બે દિવસમાં બંગાળની ખાડીના ઉત્તરી ભાગમાં લો-પ્રેશર બની રહ્યુ છે. ઉ૫રાંત એક સાયકલોનીક સકર્યુલેશન પાકિસ્તાન-કચ્છ-રાજસ્થાન વિસ્તાર ૫ર હોઇ આગામી સપ્તાહમાં દક્ષિણ ગુજરાત ઉ૫રાંત મધ્ય તથા ઉત્તર ગુજરાત તેમજ સૌરાષ્ટ્ર અને કચ્છમાં હળવાથી અતિભારે વરસાદ થઇ શકે છે.

કૃષિ વિભાગ દ્વારા જણાવાયું હતુ કે, ચાલુ વર્ષે તા.૧૦/૦૮/૨૦૨૦ સુધીમાં અંદાજીત ૭૮.૦૨ લાખ હેક્ટર ખરીફ પાકોનું વાવેતર થયું છે. ગત વર્ષે સમાન સમયગાળા દરમ્યાન ૭૧.૩૪ લાખ હેક્ટર વાવેતર થયું હતું. આ વર્ષે છેલ્લા ત્રણ વર્ષની સરેરાશ વાવેતર વિસ્તારની સામે ૯૧.૯૦% વાવેતર થવા પામ્યું છે.

સિંચાઇ વિભાગ દ્વારા જણાવાયું હતુ કે, સરદાર સરોવર જળાશયમાં હાલની સપાટી ૧૧૯.૪૭ મીટર છે તેમજ ૧,૭૧,૦૦૬ એમ.સી.એફ.ટી પાણીનો સંગ્રહ છે. જે કુલ સંગ્રહ શકિતના ૫૧.૧૯% છે. તેમજ ૭,૫૨૨ કયુસેક પાણીની આવક થઈ છે. રાજયનાં ૨૦૫ જળાશયોમાં કુલ સંગ્રહ ૫૫.૭૫% છે. હાલમાં રાજ્યમાં હાઇ એલર્ટ ઉ૫ર કુલ-૬૯ જળાશય, એલર્ટ ઉ૫ર કુલ-૧૧ જળાશય તેમજ વોર્નીગ ઉ૫ર ૮ જળાશય છે.

ફીશરીઝ વિભાગ દ્વારા જણાવાયું હતુ કે, આજથી તા.૧૫ ઓગસ્ટ સુધી માછીમારોને દરીયો ખેડવા ૫ર પ્રતિબંધ છે.

રાહત કમિશ્નર પટેલે જણાવ્યું હતુ કે, આગામી સપ્તાહમાં તા. ૧૫ ઓગસ્ટથી તા.૧૭ ઓગસ્ટની આસપાસ ભારે વરસાદની આગાહીને પગલે NDRFની ટીમો સ્ટેન્ડ બાય કરી દેવામાં આવી છે. આ ટીમો જરૂર જણાયે ઉત્તર ગુજરાતમાં ૫ણ મોકલવામાં આવશે. સૌરાષ્ટ્ર-કચ્છ અને દક્ષિણ ગુજરાતમાં NDRFની ટીમ યથાવત રાખવામાં આવશે. ભારે વરસાદની આગાહીના ૫ગલે તમામ વિભાગોએ સચેત રહેવા તથા તે અંગેની આગોતરી તૈયારી કરવા પણ તમામ વિભાગોને જરૂરી સૂચના આપવામાં આવી છે.


Related News

Loading...
Advertisement