ઓહ...માય ગોડ...એક યુવકનાં પેટમાંથી 3.5 કિલો લોખંડનો ભંગાર કઢાયો

13 August 2019 09:24 AM
Ahmedabad Gujarat Off-beat Saurashtra
  • ઓહ...માય ગોડ...એક યુવકનાં પેટમાંથી 3.5 કિલો લોખંડનો ભંગાર કઢાયો

યુવકનાં પેટમાંથી કઢાયો 3.5 કિલો લોખંડનો ભંગાર આટલી બધી વસ્તુઓ કોઇ દર્દીનાં પેટમાંથી નીકળવાનો આ પ્રથમ કિસ્સો છે.

અમદાવાદ: શહેરમાં એક ચોંકાવનારો કિસ્સો સામે આવ્યો છે. સિવિલ હોસ્પિટલની એક સર્જરીમાં 28 વર્ષનાં માનસિક અસ્વસ્થ યુવાનનાં પેટમાંથી સડા ત્રણ કિલો વજનનાં લોખંડનાં સ્ક્રૂ, ખીલી, નટ-બોલ્ટ અને પિન સહિતની 452 વસ્તુઓ કાઢવામાં આવી છે. આટલી બધી વસ્તુઓ કોઇ દર્દીનાં પેટમાંથી નીકળવાનો આ પ્રથમ કિસ્સો છે.

પહેલા ફેફસાંમાંથી કઢાઇ લોખંડની પિન
કોઇ સામાન્ય માણસનાં પેટમાં જો એક નાનકડો સિક્કો પણ ફસાય તો ઘણી તકલીફ થાય છે. તો આ યુવકનાં પેટમાંથી તો લોખંડની સડાત્રણ કિલો વજનની અલગ અલગ 452 વસ્તુઓ નીકળી છે. આ અંગે સિવિલ સર્જરી વિભાગનાં ડોક્ટરોએ જણાવ્યું કે, આ યુવકને 'એક્યુફેઝિયા' નામની માનસિક બીમારી છે. જેમાં દર્દી સામાન્ય ખોરાકની સાથે સ્ક્રૂ, બોલ્ટ અને પિન જેવી ફોરેન બોડી પણ ખાય છે. તેને આવું ખાવાની આદત પડી જાય છે. આ યુવક મેન્ટલ હોસ્પિટલમાંથી 8 ઓગસ્ટે ઈએનટી વિભાગમાં દાખલ કર્યો હતો.


Loading...
Advertisement