ઇલેક્શન-2019 ...જાણી લઇએ પ્રોફેશ્નલ ઠગોના 10 નિયમો


Advertisement

આજે આપણો વોટ શો-ઓફનો પર્યાય થઇ ગયો છે. ઇન્સ્ટાગ્રામ અને ફેસબુક પર વાદ-વિવાદ  અને ‘આંગણી કરવા માટે’ આપણે વોટ આપતા હોઇએ તેવું લાગે છે. આપણે આજે એવુ ધારીને વોટ કરીએ છીએ કે મારા વોટના કારણે બીજા વોટ કરશે. વાત સારી છે, સાચ્ચી પણ હશે, પણ વાંક આપણો પણ નથી. આજે આપણા પ્રતિનિધિઓ એ ડેમોક્રેસીને અલગ મુકામ પર મુકી દીધુ છે. ડેમોક્રેસી માટે જાગો... તેમ કહીને પ્રતિનિધિઓએ ડેમોક્રેસીને હીપોક્રીસીમાં પરિવર્તિત કરવા માંડ્યુ છે. આપણે પણ તે હીપોક્રીસીનો ભાગ બનતા થઇ ગયા છીએ. જાણે-અજાણે આપણે એક એવી સીસ્ટમનો ભાગ બની ગયા છીએ કે જેને સમજવા માટે આપણે ટર્મીનેટર જેટલુ સક્ષમ થવુ પડશે. આપણા પ્રતિનિધિઓ આપણને રીઝવવા માટે સેલીબ્રીટીને બોલાવીને informal talks કરે છે, હેલીકોપ્ટરમાં સમોસા ખાય છે, કેદારનાથમાં ધ્યાન કરે છે,પોલીંગ બુથ પર વોટ કરાવવા માટે પાર્ટીનો વોલેન્ટીયર રાખે છે, સામ-સામે એક જ સમયે પ્રેસ કોન્ફરન્સ કરે છેઅને અમુક તોpress conference નહી પણpress appearance કરે છે,એકબીજાને ઉઘાડા પાડવા ફિલ્મો રીલીઝ કરે છે, આલુમાંથી સોના બનાવાની સ્કીમો અને વાદળો રડારને અસર કરે છે તેવા ભોળા વાક્ય પ્રયોગો કરે છે, મનભરીને લોકોના મીમ્સના શિકાર બને છે. આજે આપણા આ તમામ પ્રતિનિધિઓ આપણું ધ્યાન અને વોટ ખેંચવા માટે નવા-નવા પ્રયોગો કરવા માંડ્યા છે. જેમાં ખોટુ કશું જ નથી, કારણકે તેઓ ‘આપણા પ્રતિનિધિઓ’ છે. આજની સીસ્ટમ વધુને વધુ સીસ્ટેમેટીક થવા માંડી છે. પહેલા આપણા ભોળપણને ટાર્ગેટ બનાવવામાં આવતું હવે આપણી સમજણને ટાર્ગેટ કરાય છે. ગુગલની આ પેઢીને પહોંચી વળવા માટે ગુગલ જેટલા જ એડવાન્સ થઇ રહ્યા છે આપણા પ્રતિનિધિઓ.
વાત હવે જ્યાં 2019ના ચૂંટણી પરિણામોની કરીએ તો સરકાર ‘જે આવે તે’આપણે તો સોશિયલ મીડીયા પર લાઇક-કમેન્ટ-શેર અને ટપરી પર ગપશપ સિવાય ખાસ કશુ કરી શકવાના નથી. પણ હવે જ્યાં વાત સીસ્ટેમેટીક ટાર્ગેટ અને સીસ્ટમ સાથે કામ કરવાની છે તો આપણા પ્રતિનિધિઓ એક રીતે જોવા જઇએ તો અપગ્રેડ થઇ રહ્યા છે. પહેલા રોડ શો કરીને ફુલો ફેંકીને, લાઉડ સ્પીકરમાં બોલીને આપણને બાટલીમાં ઉતારી દેતા પણ હવે જુની પદ્ધતિની સાથોસાથ ટેક્નોલોજીનો પણ એટલો જ ઉપયોગ થઇ રહ્યો છે. પ્રતિનિધિઓની ઇમેજ પર પણ જોર શોરથી કામ થઇ રહ્યુ છે. દરેક પ્રતિનિધિની એક બ્રાન્ડ વેલ્યુ છે તેનુ ભાન દરેક પાર્ટીને થઇ ગયુ છે. હવે રાજ્ય પ્રમાણે જે તે ભાષામાં ભાષણ આપવું, ફેસબુકની જેમ વ્યવસ્થિત વિસ્તારોને તેની તાસીર પ્રમાણે મુલવીને ત્યાં યોગ્ય માત્રામાં પ્રચાર-પ્રસાર કરવા પર ભાર અને ધ્યાન અપાવવા માંડ્યુ છે. સુપ્રીમ કોર્ટના નિર્ણયોને પણ લોજીકલી પડકારવામાં આવી રહ્યા છે. પહેલા નવી નવી સ્કીમો લાવતા હતા હવે અવ-નવી અને ચટપટી સ્કિમો આપે છે. પહેલાની સરખામણીમાં ક્રીમીનલ પ્રતિનિધિઓની સંખ્યા પણ વધી ગઇ છે.ત્યારે જોવાનું તે છે કે પહેલાની જેમ આપણા પ્રતિનિધિઓ કેટલો વિકાસ પામ્યા છે. વિકાસ જેટલો દેશનો થયો છે તેના કરતાં 3 ગણો વધારે પ્રતિનિધિઓનો થયો છે. આજે હવે આપણા પ્રતિનિધિઓ પાસે તે 10 નવા નિયમોની પુસ્તિકા આવી ગઇ છે કે જે તેમને પ્રોફેશ્નલ ઠગ બનાવે છે.
આજથી લગભગ 90 વર્ષ પહેલા ઓસ્ટ્રીયામાં એક મહાન ઠગ થઇ ગયો. વીક્ટર લસ્ટીગ. તેણે પોતાનું કરીયર પ્રોફેશ્નલ ઠગ તરીકે જ બનાવવાનો નિર્ણય કરી લીધો હતો. તેની સફળતાનું પરિમાણ તેના પરથી લગાવી શકાય કે તેણે પેરીસનું એફિલ ટાવર એક નહી બે વાર બારોબાર વેચી કાઢવાનો વેપલો કર્યો હતો. વીક્ટર લસ્ટીગનુંનામ દુનિયાના ટોપ કોન-મેનમાં છે. તેની બોલવાની છટા, તેની કામને અંજામ સુધી પહોંચાડવાની પદ્ધતિ પર કોઇપણ આફરીન થઇ જાય. એક સમયે સુપરસોનીક જેટને પણ તીર મારીને પાડી શકાય પણ લસ્ટીગના પાસાઓને પકડી પાડવા અસંભવ હતા. આ વિક્ટર લસ્ટીગે એક પ્રોફેશ્નલ ઠગ તરીકે દુનિયાના બીજા ઠગો માટે અમુક નિયમો બનાવ્યા. જેવી રીતે દુનિયાના મહાન પ્રતિનિધિઓએ પોતાના જીવનના આધારે બીજા લોકોને પ્રેરણા આપી અને માર્ગદર્શન પુરૂ પાડ્યુ છે તેવી જ રીતે લસ્ટીગે પણ પોતાની નાતના ભાઇબંધુઓ માટે 10 નિયમો બહાર પાડ્યા છે કે જે તેમને સફળ ઠગ બનાવે છે. તો તે 10 નિયમો જોઇએ અને સરખાવીએ આપણા સમાજ અને લોકશાહીના તે તમામ પ્રતિનિધિઓને કે શું આ નિયમો તેમને હુબહુ લાગુ પડે છે કે નહી.!!
1) એક ધૈર્યવાન શ્રોતા બનો.
2) ક્યારેય ચહેરા પર કંટાળો ન લાવો
3) સામેવાળા માણસને તેના પોલીટીકલ વિચારોને પહેલા રજુ કરવા દો, પછી તે જ વિચારો સાથે સમ્મત થઇ જાઓ.
4) સામેવાળાના ધાર્મિક વિચારો પહેલા સાંભળો, પછી તેનાથી સમ્મત થઇ જાઓ.
5) સેક્સ ટોક તરફ ઇશારો કરો, પણ વાત ત્યારે જ કરો જ્યારે સામેવાળો તેમાં રસ લે.
6) ક્યારેય પોતાના રોગ વિશે વાત ન કરો, સિવાય કે સામેવાળો તમને પુછે
7) ક્યારેય લોકોની પર્સનલ પરિસ્થિતિઓ ન પુછવી, તેઓ સામેથી કહેશે જ.
8) ક્યારેય ઘમંડ ન કરવો, ફક્ત તમારૂ મહત્વ જણાવા દો
9) ક્યારેય અસ્વચ્છ ન રહો
10) ક્યારેય પણ દારૂ પીતા ન પકડાઓ.
હવે આ તમામ 10 નિયમો ઉર્ફે કમાન્ડમેન્ટ એક સારા નાગરિક માટે પણ લાગુ પડી શકે છે પણ વાત જ્યાં આપણે નવા ટચ અને નવી ફીલની કરી રહ્યા છીએ અને ખાસ તો આપણા પ્રતિનિધિઓની કરી રહ્યાં છીએ,ત્યાં આપણા નવી સરકાર કે પછી નવા સમયની સરકાર માટે આ 10 નિયમો કેટલા લાગુ પડે છે તેને સમજવા માટે આપણને તે પ્રતિનિધિઓની કદાચ જરૂર નથી. આપણા પ્રતિનિધિઓ 23 મે, 2019 પછી જે પણ રીતે વર્તે પણ આવનારા 5 વર્ષોમાં ઉપરના 10 નિયમો મહદઅંશે તો તેઓ પોતાના કાર્યકાળમાં ચોક્કસથી અપનાવશે જ...!
બાકી, આપણા પ્રતિનિધિઓ એટલા તો સક્ષમ છે જ કે જેઓ ગમે તેમ વાત કરીને બસ લોકોનુ ધ્યાન ખેંચવા માંગતા હોય છે, તે પછી 10 કરોડના જેટમાં પ્રવાસ કરતા હોય કે પછી દેશના તમામ મંદિરોના ઘંટ વગાડતા હોય.!
આવવાનું કારણ...
મને કોઇએ પુછયુ કે,તમારા મત પ્રમાણે 21મી સદીની લોકશાહી શું છે.?
મે કહ્યું,મારા મત પ્રમાણે તો 21મી સદીની લોકશાહી ‘મારા મત’ પ્રમાણે છે જ નહી.!!!

Advertisement