અમરેલીનાં વાંકીયાના ઉધોગપતિઅે ચેકડેમ બનાવવા પાંચ ગામો દત્તક લીધા

16 May 2018 01:13 PM
Amreli
  • અમરેલીનાં વાંકીયાના ઉધોગપતિઅે ચેકડેમ બનાવવા પાંચ ગામો દત્તક લીધા

માદરે વતનમાં ઉધોગપતિનું સન્માન : અાવકાર

Advertisement

(મિલાપ રૂપારેલ) અમરેલી, તા. ૧૬ અમરેલી તાલુકાના વાંકીયા ગામના વતની અમદાવાદ સ્થિતઉદ્યોગપતિ બિલ્ડર તથા કોર્પોરેટર અશ્વિનભાઈ બાબુભાઈ પેથાણીએ સરકારના જળસંચય અભિયાનને વેગવંતુ બનાવવા માટે તથા માદરે વતનના ગામડાઓની પાણીની સમસ્યા નિવારવા માટે તાલુકાના વતન વાંકીયા સહિત પાંચ ગામ દતક લઈને પ્રેરણાદાયી લોકપ્રતિનિધિ તરીકેનું ઉતમ ઉદાહરણ પુરૂ પાડયું હતું. ત્યારે વતન વાંકીયા ગામે સહકારી આગેવાન અને નાફસ્કોબના ચેરમેન ધનસુખ ભંડેરી દ્વારા તળાવ ઉંડુ ઉતારવાની કામગીરીનો પ્રારંભ કરાવવામાં આવ્યો હતો. આ તકે જિલ્લાના આગેવાનો ખોડલધામના ટ્રસ્ટી વસંત મોવલીયા, પટેલ સમાજના પ્રમુખ ડી.કે. રૈયાણી, ખોડલધામ ક્ધવીનર રમેશ કાથરોટીયા, લાયન્સ કલબ મેઈન પ્રમુખ કાંતિભાઈ વઘાસીયા, પટેલ સંકુલના કેમ્પસ ડાયરેકટર ચતુરભાઈ ખુંટ, ઔદ્યોગિક રત્નો વિજયભાઈ દેસાઈ (ચિતલ), અગ્રણી યુવા બિલ્ડર હિરેન વઘાસીયા, વિઠ્ઠલ ત્રાપસીયા, ડાયનેમિક ગૃપના પ્રમુખ હરેશ બાવીશી, રણજીતભાઈ વાળા, નિમેષ બાંભરોલીયા, જયંતિભાઈ પાનસુરીયા વિગેરે આગેવાનોએ વતનની મદદ બદલ ઉદ્યોગપપતિ કોર્પોરેટર અશ્વિન પેથાણીનું સન્માન કરાયું હતું. માદરે વતન વાંકીયા ગામને જળસિંચન અભિયાનમાં દતક લેવા બદલ ગામના આગેવાનો લાભુભાઈ અકબરી, નિરજભાઈ અકબરી, દિલુભાઈ વાળા, અમિત રાદડીયા (રાણો), બાબુભાઈ કાનાણી, અશ્વિનભાઈ અકબરી, નનુભાઈપેથાણી, વિઠ્ઠલભાઈ કથીરીયા, કનુભાઈ કાનાણી, હસમુખ પેથાણી વિગેરેએ આવકારી ગામ સમસ્ત સન્માન કર્યું હતું.


Advertisement