દિવાળી પર્વે જ ફટાકડા સંબંધી પોલીસ કાર્યવાહીથી ગણગણાટ

05 November 2018 02:34 PM
Gujarat
  • દિવાળી પર્વે જ ફટાકડા સંબંધી પોલીસ કાર્યવાહીથી ગણગણાટ

અમદાવાદમાં રાત્રે 10 પછી ફટાકડા ફોડવા બદલ બેની ધરપકડ; અન્ય 13 કેસો પણ કરાયા

Advertisement

અમદાવાદ તા.5
ફટાકડા ફોડવા પર સર્વોચ્ચ અદાલતે નિયંત્રણો મુકયા છે અને તે અંતર્ગત અમદાવાદમાં રાત્રે 8થી10ની જ છુટ્ટ આપવામાં આવી છે ત્યારે આ કાયદાનો ભંગ કરીને ફટાકડા ફોડી રહેલી બે વ્યક્તિની ધરપકડ કરવામાં આવી છે.
અમદાવાદના પોલીસ કમિશ્ર્નર એ.કે.સિંઘે સુપ્રીમ કોર્ટના આદેશને ટાંકીને શનિવારે જાહેરનામુ બહાર પાડીને રાત્રે 8થી10 સુધી જ ફટાકડા ફોડવાની છુટ્ટ જાહેર કરી હતી. શનિવારે રાત્રે જ આ કાયદાનો ભંગ કરવા બદલ અભરાઈવાડીમાંથી બળદેવ પટેલ તથા વિષ્ણુ ઝાલાની ધરપકડ કરવામાં આવી હતી. અમદાવાદમાં પોલીસ જાહેરનામાનો ચૂસ્ત અમલ કરાવવાના મૂડમાં છે. પોલીસ કમિશ્ર્નરના જાહેનામામાં ફટાકડાના ઓનલાઈન વેચાણ અને ખરીદી પર પણ પ્રતિબંધ જાહેર કરાયો છે. ઉપરાંત લાંબો વખત ધડાકા કરતી 1000 કે 5000 ફટાકડાની કાર પર પણ પ્રતિબંધ મુકવામાં આવ્યો છે. જાહેરનામામાં એમ દર્શાવાયું હતું કે નિશ્ર્ચિત મર્યાદામાં અવાજ કરતા ફટાકડાનું જ વેચાણ કરી શકાશે. આયાતી-ચાઈનીઝ ફટાકડા પર પણ પ્રતિબંધ છે. અમદાવાદના એડીશ્નલ પોલીસ કમિશ્ર્નર અશોક યાદવે કહ્યું કે જાહેરનામાના ભંગ બદલ કલમ 188 અને 1031 હેઠળ ધરપકડ કરવામાં આવી છે.
અમદાવાદ ઝોન-5ની ડીસીપી હિમકારસિંઘે કહ્યું કે બેની ધરપકડ કરવામાં આવ્યા સિવાય ફટાકડા વેચાણના વિવિધ નિયમોનો ભંગ કરવા બદલ અન્ય 13 કેસો કરવામાં આવ્યા છે જેમાં મોટાભાગે લાયસન્સ વિના ફટાકડા વેચવાના છે. ફટાકડાની વેચાણ લાયસન્સ વિના થતુ હોવા બારાનો ઝુંબેશ ઉપાડવામાં આવી છે.


Advertisement